Հոդվածներ
Հարսնացուի ոչ ավանդական՝ սև, բայց շքեղ ու դասական առավոտը
Դուք արթնանում եք զարթուցիչից րոպեններ առաջ, ոտքերը դնում հատակին, խորը շունչ քաշում և լռության մեջ գիտակցում սպասված օրվա և սպասվելիք ժամերի կարևորությունը: Այսօր Ձեզ են սպասվում բազմաթիվ հետաքրքիր պահեր, որոնց կիզակետում լինելու եք Դուք, քանզի այսօր Ձեր օրն է, Ձեր առավոտը՝ հարսնացուի առավոտը:
Այս յուրօրինակ և ոչ ավանդական ֆոտոշարքի հեղինակները որոշել են շատ հարսնացուների թաքուն երազանքները կյանքի կոչել՝ հեռվում թողնելով ֆիլմերից և գրքերից մեզ հասած հարսնացուների առավոտների մասին ունեցած ավանդական պատկերացումները:
Նրանք ստեղծել են համարձակ, մուգ և վայրի հարսնացուի կերպար՝ համադրելով նրա օրը սև և սպիտակ գույներով:
Օրխիդեաներ, օծանելիք, գայթակղիչ ներքնազգեստ, թարմության և սուրճի բուրմունք, սպիտակ փափուկ բարձեր և մետաքսե սպիտակեղեն, որոնց կենտրոնում գեղեցիկ և շքեղ գեղեցկություն ունեցող հարսնացուն է՝ իր թաքուն և տաք երազանքներով:
Wedding.am-ը՝ վկայակոչելով The Wedding Fashion-ին, ներկայացնում է հարսնացուի ոչ ավանդական՝ սև և շքեղ առավոտը՝ լուսավոր պահերով: